Naidheachdan

Tha dà thiotal ùr san t-sreath Ghàidhlig aig Sandstone Press, a tha san fharsaingeachd ag amas air Luchd-ionnsachaidh Adhartach, Cleasan a’ Bhaile Mhòir le Catrìona Lexy Chaimbeul agus Cogadh Ruairidh le Iain MacIllEathain.

Tha an obair ullachaidh mu dheireadh mu choinneamh Deasbad BT Alba 2009 a-nis a’ gabhail àite fad is farsaing air feadh na dùthcha. Thèid a’ chiad dà chuairt a chumail anns an Lanntair ann an Steòrnabhagh an ath sheachdain, sin Dimàirt agus Diciadain an treas agus an ceathramh là den t-Samhain 2009.

Tha Dualchas Nàdair na h-Alba (SNH) air stuth foghlam mu gnèithean inntinneach na h-Alba a chruthachadh. ‘S e sia bileagan Gàidhlig agus postairean a th’anns an t-sreath ‘Mu dheidhinn’.

Tha Sgrùdairean Foghlaim na Banrigh (HMIE) air an dreach Plana Gàidhlig aca fhoillseachadh airson co-chomhairleachadh.

Chaidh bileag ùr dà-chànanach a’ mìneachadh buannachdan foghlaim tro mheadhan na Gàidhlig, agus cho soirbheachail sa tha e, fhoillseachadh an diugh (Dimàirt) aig a Mhòd Nàiseanta Rìoghail anns an Òban.

Tha oidhirp ga dèanamh ann an Loch Abair air a' Ghàidhlig a neartachadh le làrach-lìn ùir.

Chan fhada bho chaidh faclair Dwelly a chur air-loidhne, agus cothrom aig daoine am faclair a sgrùdadh bho Bheurla gu Gàidhlig airson a' chiad turais riamh.

Tha Comhairle nan Sgoiltean Àraich (CNSA) air an ainm atharrachadh gu Taic.

Bidh barrachd cothroman ann do phàrantan an cuid chloinne a chur gu sgoiltean Gàidhlig, le goireasan nas fheàrr, tro thaic airgid a tha an Riaghaltas a’ cur gu sgoiltean Gàidhlig bho Stòras Calpa nan Sgoiltean Gàidhlig.

Gheibh pàrantan ann an Inbhir Nis, aig a bheil clann ann am foghlam tro mheadhan na Gàidhlig, cothrom pàirt a ghabhail ann an sreath de bhùithtean-obrach gus na sgilean aca a thoirt air adhart.

Tha Riaghaltas na h-Alba a' foillseachadh £1.5m a bharrachd de thaic-airgid do Chomhairle na Gàidhealtachd, mu choinneimh am planaichean airson dà bhun-sgoil Ghàidhlig ùr a thogail.