Brògan ann an Sgoil Phaibil

Ro-ràdh

Blasad de Churraicealam airson Sàr-mhathais ‘s a chlas Gàidhlig leis a’ phroiseact Brògan, a cheangail sinn a-steach le cruinneachadh bhròg sa choimhearsnachd airson an t-iarrtas ‘ShoeBiz’ aig Blue Peter.  Shoirbhich gu math dhuinn, agus chaidh 385 paidhir bhròg a chur air falbh gu Blue Peter.

A bharrachd air sin, tha na dealbhan a leanas a' sealltainn mar a ghabh na tidsearan an cothrom air iomadach seòrsa pròiseict a dhèanamh leis na sgoilearan - uile co-cheangailte ri brògan!

Sanasachd

Rinn iad postairean airson an t-iarrtas 'ShoeBiz' a shanasachd dha na daoine sa sgìre.

Planadh

Tha gu leòr chuspairean a’ tighinn a-staigh air a’ phròiseict seo – cànan, ceòl, matamataic, eachdraidh, na h-ealain, teicneòlas agus foghlam creideimh.  Chaidh beachdachadh air brògan gu mionaideach!

Brògan - ciamar a tha iad air an dèanamh?

Tha iad seo a' cruinneachadh faclan co-cheangailte ri brògan.   Sheall iad cuideachd air mar a dhèanar brògan, diofar seòrsaichean bhrògan, brògan tro na lìntean, agus ciamar a tha na bùthan gan reic.  Chan eil fhios agam an caithinn a' bhròig chrèadha ge tà...

Brògan - carson a tha iad?

Faicibh na pàtranan a rinn iad - eadar làrach nan cas agus làrach nam bròg.

Sgeulachdan co-cheangailte ri brògan

Chuala iad mu dheidhinn A' Chailleach 's a' Bhròig agus cho tric 's a tha brògan air an ainmeachadh anns a' Bhiobull.

Rinn iad suas sgeulachdan cuideachd, aon mu dheidhinn Gòrdann Greannach.  Dè dh'fhàg Gòrdan greannach?  Uill, ciamar a gheibheadh e dhan phàrtaidh gun brògan - agus bha ochd a dhìth airsan!

Bheachdaich iad cò ris a bhiodh e coltach ann am brògan Beyonce.